Interview: 周海媚 沒有愛情的日子
她相信緣份，她亦知道强求無幸福，所以，重獲「自由」之後，她便專心工作。
相見爭如不見，有情還似無情；笙歌散後酒微醒，深院月明人靜。
周海媚的愛情就這樣子地吹散了，愛得深，傷痛的時日更深，傷痛過後，還要痛定思痛，之後，便得重過新生。人，本就如此，周海媚當然也不會例外。
一段感情過後，周海媚開始平伏下來，新工作一件接一件，充塞了她的一些空檔時間，沒有愛情，並不代表沒有了生氣。
「最近的外國電影很值得看，我差不多都看過了，因爲六月中我要到甘肅拍劇達一個月，就算再有好電影也得要等看影碟
了。」周海媚說。
現在，周海媚已不怕被人說是重色輕友，最低限度她也有些餘閒可以約會一些好朋友茶敍聊聊。對於沒有了愛情，她亦淡然處之。
「我覺得感情事是投緣的，我對此並不急進，也不勉强，我還有很多心靈寄託。」周海媚認眞地說。
早陣子，她的名字常與黎明扯在一起，因爲拍了幾個劇集，見面機會多了，傳言也就更多；但，一直以來，海味都沒有任何表示，因爲她對謠傳都早早習慣了。
趁此機會，單刀直入問周海媚與黎明的「關係」，可是傳聞中的眞實？
「你也這樣問？你一向都知道我的性格的，我本就與男孩子較談得來，既然是一同拍戲，接觸的時間也多，大家朋友般看待亦能因此而傳出緋聞，我都啼笑皆非！」海味笑說。
「可有發展機會？」我問。
「暫時沒有，他不是我理想中的類型。」直截了當的答覆。
「你感覺中的黎明是怎樣子的？」
「大男孩，我只當他是弟弟，遇事有商有量。」
雖然周海媚與黎明是好朋友，但鑑於傳聞的激烈，他們似乎也開始有所避忌，不再在人前有任何「親暱」態度，例如搭肩膊，談笑等等，在公衆場所就如陌路人，有點尷尬的感覺。
「錯了，我全不感到尷尬，大家光明磊落，又何須有所避忌，只是記者們要求他搭我肩膊拍照，他有點不知所措而已！我
倒沒所謂，他不敢搭，難道要我這個女孩子主動嗎？」黎明的忸怩可能是怕謠傳越傳越糟，而周海媚的大方舉動也是一個破謠的好方法。
談到她在「今生無悔」中暗戀黎明的戲份，周海媚說在現實中的她，一定不會這樣做——
「我不是一個暗戀別人的人，我喜歡敢愛敢恨的作風，暗戀這樣痛苦，要愛，我會給他暗示，甚至是表示，爽快一些，有通電的自然有發展，沒感覺的便得即時放棄，再花時間也徒然！」這就是周海媚的愛情觀。
「自由身」的周海媚，最近還多了很多「熱心」的朋友，她們頻頻介紹男朋友給她，使海味有皇帝不急太監急的感覺，但她也很感激這班朋友對她的關懷，於此，她亦表明態度，她相信緣份，强求無幸福。現在，她要專心工作，希望有更好的成績，替自己開拓一條更新的路向。
1991年5月30日《香港電視》1230期 雜誌掃圖
6 則留言
回味
海味的確n次否認和黎生有嘢
呢件事好神奇, 娛樂圈中人,電台主持們都從頭到尾認定佢地一齊過(哪怕海味離世後)。
從來冇其他藝人既煲水緋聞能夠係一張照片/.證據都冇既情況下被傳足5、6年咁耐
同黎生傳過緋聞既絕對唔止海媚一個, 李嘉欣直頭多次俾記者拍到同黎明食飯
但就只有海味同舒淇係傳得最耐
………..
KC
所以其實究竟佢哋有冇一齊過呢….
回味
我唔敢講有定冇
有一個位係好多人忽略咗，身為藝人/娛樂圈人，就算冇再做幕前，都唔會貿然得罪人,因為會整臭自己個名，我哋冇乜幾何會見到藝人直接爆對方個名，直指邊個邊個同人有路，邊個邊個遲到，圈中人就算憎對方都係暗示方式。
但海味離開後，鄭敬基，DJ小文呢D人開名直指黎生同海味係有一段情，
特別鄭敬基，佢已經淡出幕前，無需要借海味嚟搏VIew，佢本身係加拿大香港人之中都好高知名度了，完全冇動機搏眼球而亂作一通，而且佢言談間係讚美周海媚，既然係咁，點會一邊讚美一邊亂作故事來污衊海味呢？
佢講得出口，開黎明全名，想必鄭生係親眼唔止一次睇得出佢哋曾經一齊，所以先敢講出口。
再者，海味對黎明既反應太唔尋常，充滿矛盾。
一時就對黎明讚歎佢演唱會有進步，主動提及不避嫌
一時就聽見記者提黎明就黑臉不爽，以後不想提起這人
一時就主動說與黎明沒拍拖，對方從沒承認過，不想借人家名氣搏宣傳之嫌
又試過揚言同黎明從來不是朋友，但最後也去了黎明演唱會。。。。
大
唔止以上呢D，細心睇佢既訪問，關於感情方面，諸如她提過有一個男友連主動打電話關心都做唔到，以工作繁忙做理由。
好多蛛絲馬跡都指向同海味拍拖既人係一個事業形以及好繁忙既人，又唔可以公緒於世怕影響名氣的人。
呢個人每日訓幾個鐘，為事業衝刺，而且兩人因為工作原因都分隔兩地聚少離多，推測是名人但不會是超級富豪，所以唔方便公開。
是誰？
講到呢度，無錯：我就係相信是他
KC
哈哈分析得好仔細，唯有唱句…
愛是沒名字的歌 留給這世上無名字的你…
回味
K100 海味同呂良偉上節目講過, 當初係海味唔想公開戀情, 海味唔想其他人覺得佢黐呂良偉名氣;
後來黎明紅左, 海味都好多次同記者講, 唔想俾人覺得借用佢名氣;少少分別, 海味已經係香港台灣都好出名
我諗到以下6個可能
1. 2人同樣唔想公開,想專心事業
2.黎生唔想公開 海味無所謂
3.單純係海味唔想公開, 因為事業發展不及黎明(貴為天王), 性格要強獨立既海味 ,希望做出一番成績先公開戀情
所以後來去樂壇發展,因為佢要證明俾大家睇,佢係可以做到黎明相同地位, 包括歌手
4.由頭到尾都只係好朋友, 從沒嘗試發展, 係記者及娛圈中人誤會佢地
5.友達以上戀人未滿, 曖昧過,嘗試過, 出雙入對、偷偷約會 係大家試水溫, 但因為通晒天以及fans反對, 加上工作聚少離多, 從未正式確立對方係男女朋友 (我覺得最大可能,結合我睇過咁多訪問)
haha..我係唔係好瘋狂呢
KC
記得當時佢哋傳緋聞，LEON啲FANS反應好激烈，又話海味俾大馬歌迷杯葛，如果真係一齊唔想公開都可以理解。