Interview: 周海媚賣肉 有得搏時就要搏

人生在世，許多事都要作出選擇，抉擇的對與錯要靠運氣幫助，正如三年前，周海媚參加港姐選美，又怎會想到當上藝員，成爲年青人心中的偶像。
「參選果陣，只係諗住玩玩吓，並不是一心一意想入娛樂圈，落選後，被無線看中，就索性試吓，點知做做吓，發覺自己揀對路，找到最喜歡的職業。」周海媚細細說道。
「做咗三年，得失又有幾多呢？」
「唔！都係得多過失的，找到理想職業是最大收穫，失的都是少許，唯一較少與朋友聯絡，因爲大家的生活圈子不同，話題自然也不多，漸漸已有點距離，寧願搵圈中同事見面。」
「咁你又同邊個最傾得埋呢？」
「都好少，因爲我性格不主動，讀書時已習慣做獨行俠，寧願一個人逛街，自由自在幾舒服，就算有拖拍，大多數都是一個人獨來獨往的。」
「有苦無路訴喎！」
「唔會嘅，還有個比我大兩年的家姐，好多時有心事，兩姐妹便會說個痛快！」
「有人話做藝員要犧牲好多你又點睇？」
「呢一點，早有心理準備，做藝員會付出許多的，正所謂凡事都會有代價的。」
目前，海味與無線仍有兩年合約，她說兩年時間，說長不長，短亦不短，世事變化難料．她未想給自己下定目標，要視乎發展如何，再作打算。
「演戲只可當作是興趣，不可以作爲終身的職業，冒險性很大，因爲觀衆口味變化快，男與女亦不同，藝術生命永遠是男的比較長，到老仍可做甘草演員，但女的近卅歲便要演母親級，所以女孩子有得搏時就要搏。」
「有無想過到電影圈發展呢？」
「有想過的，但現時經驗未夠，需要時間磨鍊，稍後作多方面發展亦較有利，况且電影較電視更需要有好的演技，如果單靠外貌，甘願做花瓶賺錢亦可以，不過我寧願做長線投資，做個有演技的實力派演員。」
現時的電影，女主角多數有性感鏡頭，要你性感，得唔得先？」
「就算係，都無肉賣啦！傻嘅！」
上屆三位港姐，未卸任前已分別在電視及電影發展，較前十四届那些得獎者幸運，周海媚說可能是十五週年，要特別與衆不同呢！

1988年9月6日 《新電視》763期 雜誌掃圖