Interview: 周海媚公開談至愛

女人跟珠寶，是分割不開的。
事實上，在適當場合配襯珠寶首飾，確能增添女性韻味，難怪人人都說，珠寶首飾，十個女人有九個都鍾意。
雖然周海媚平時甚少佩戴首飾，就算戴的都是時款的耳環、戒指或手表而已，但不戴並不代表她不會買，首飾始終是女人獎勵自己的最佳禮物，所以海味於三年前亦曾買下一套方形鑽石耳環連戒指，但三年來只供珍藏而沒佩戴過。
說到底，珠寶首飾始終令女人難以抗拒。

揀珠寶首飾有甚麼心得？
「我好少買珠寶首飾，絕對係唔瘋狂，我只會揀自己鍾意嘅款式，根本唔理會有冇收藏價值，有時我覺得自己都幾奇怪，對一啲好閃嘅鑽飾反而有少少抗拒。不過自從剪短頭髮之後，我就冇戴一啲好累贅嘅耳環，反而長頭髮時就會戴『吊吊下』比較長形嘅耳環。」

平時鍾意戴哪類型首飾？
「我好少戴首飾，更加不會戴頸鏈，因為不喜歡被箍着的感覺，挺不自在，最多只會戴耳環同手表。款式方面我的喜好好極端，一是好簡單的款式，一是好Fashion好In，對於飾物，我好睇眼緣，價錢反而是其次，平同貴我都會買，不過飾物始終係陪襯品，選襯服裝的時候，我都不會喧賓奪主。」

最心愛的飾物？
「三年前我找專人為我造了一套方形鑽石耳環連戒指，是我送給自己的禮物，一般人都愛圓形鑽石，因為折射關係，看上去比方形鑽石更閃亮，但我就較喜歡方形鑽石的線條，這套首飾是我最心愛的飾物。」

對於首飾，有甚麼心水品牌？
「我喜歡Cartier、Tiffany同L’s，這幾個牌子的出品都是較潮流款式，很吸引，但說到珍藏價值，就始終不及大大顆，卡數大的鑽石或從拍賣行競投回來的首飾保值。」

收得最多是甚麼首飾禮物？
「當然係EBEL手表，至今為止，我起碼收咗6至7隻，有幾隻係男裝，啱晒平日Casual打扮，着Jeans就最襯，加上我隻手唔算太瘦，可以戴到男裝表；而數收到最貴的禮物，都算係自己送俾自己嗰隻價值8萬蚊嘅手表，而家諗起都唔明點解會買嗰隻表，因為冇鑽石兼且好少戴。但朋友都好鍾意送表俾我，可能見我好少戴其他飾物，所以都好識做淨係送表。」

有甚麼首飾一定不會戴？
「玉戒指，尤其是鑲金邊嗰款，我覺得呢種款式只適合黑社會大佬，另外粗金鏈都唔啱我Style，雖然我都會買金鏈，但唔會買嗰種粗金鏈。」

說到海味近日最喜愛的飾物，相信是這對碎石耳環及Vivienne Westwood戒指，因經常都可看到她佩戴。
「因為現時剪了短髮，戴簡單款的碎石耳環感覺唔會累贅，至於這款Vivienne Westwood戒指，款式夠In而且白色搪瓷面，給人好清新乾淨的感覺，這些都是我的心水選擇。」
不過，當見到為配合今次拍攝效果而借來的百萬元鑽飾，海味亦大讚漂亮，所以說珠寶首飾，對女人自有其吸引力。

1999年11月13日 《東方新地 MORE》102期 雜誌掃圖